Ертөнцийн гурвууд

ЦЭГЦ
Сая буусан бэр нэг цэгц
Нуурт суусан нугас нэг цэгц
Хүлэг морины дэл нэг цэгц
ЦЭМЦГЭР
Үүлээ хөөсөн тэнгэр нэг цэмцгэр
Үнсээ гаргасан тулга нэг цэмцгэр
Үсээ самнасан авгай нэг цэмцгэр
ЦООХОР
Өндөг харагчийн нүүр цоохор
Өвөл цагийн уул цоохор
Үлдээж уншигчийн мэдлэг цоохор
ЧИМЭГ
Сайхан хүүхэн гэрийн чимэг
Сайн морь эрийн чимэг
Сагсгар мод уулын чимэг
ЯНАГ
Баян хүнд худалдаачин янаг
Бааран хүнд нохой янаг
Ховч хүнд ноён янаг
ХАГАС
Унтах гэдэг үхэхийн хагас
Унгах гэдэг бол баахын хагас
Уурлах гэдэг галзуурахын хагас
ХАЙРАН
Учир мэдэхгүй хүнд үг хайран
Үнэр мэдэхгүй хүнд зандан хайран
Үзээд мэдэхгүй хүнд эд хайран
Алсан малын цус нэг улаан
Алаач хүний ганзага нэг улаан
Хадтай газрын үнэг нэг улаан

Ертөнцийн гурван хөх юу вэ?
Уудам дэлхийн тэнгэр нэг хөх
Унтрах галын дөл нэг хөх
Урсах голын ус нэг хөх

Ертөнцийн гурван хар юу вэ?
Цасанд мөр нэг хар
Цаасанд бичиг нэг хар
Зарганд үг нэг хар

Дэнгүй байшин нэг хар
Дэвүүргүй будаа нэг хар
Сүүгүй цай нэг хар

Тостойгоос тогоо нэг хар
Билэгтэйгээс бэх нэг хар
Амттайгаас архи нэг хар

Ертөнцийн гурван харанхуй
Номгүй бандийн цээж нь нэг харанхуй
Хоньгүй айлын хот нэг харанхуй
Хойшоо харсан нүх нэг харанхуй

Үүрдийн харанхуй
Үдшийн харанхуй
Үхэхийн харанхуй

Тагт ургасан арц нэг ногоон
Тайгад ургасан хуш нэг ногоон
Талд ургасан зээргэнэ нэг ногоон

Ертөнцийн гурван шар юу вэ?
Эрдэнэд алт нэг шар
Эдэнд жанч нэг шар
Идээнд уураг нэг шар

Шаагьж хурдаг шашин нэг шар
Шарлаж харагддаг алт нэг шар
Огторгүйд байдаг нар нэг шар
Орчлонд байдаг дэлхий нэг шар

Ертөнцийн гурван улаан юу вэ?
Жавартай тэнгэрийн хаяа нэг улаан
Жаргалтай хатны хацар нэг улаан
Жартгай хүний нүд нэг улаан

Жалганд ургасан сухай нэг улаан
Жаварт гүйсэн үнэг нэг улаан
Зуудаг нохойн жавьж нэг улаан