Бавуугийн Лхагвасүрэн гуайн сургааль

Айлын хүүхдүүд дунд алт ч бий гууль ч бий, алийг нь сонгож нөхөрлөхөө өөрөө шийд. 🫣

Алт урвалдаад олон хувирдаг, гууль гандсан ч өнгөө алддагүйг зүгээр л сана. 

Амаа мурийлгаж цээжээ түрсэн алиа гарууд зөндөө таарна, хараа өндөр хажуугаар нь зөр. 

Чаддаггүй чацаганууд бөөнөөрөө сүрэглэн байдаг, чаддаг нь угаасаа даруу ганцаар байдгийм.

Ядарсан нэгэн таарвал бөхийж хүндэл, тэнгэр хардгийм чамайг. 

Мөнгөтэй явахад ойртсон хүнийг нөхөрт хэзээч бүү тооц. 

Өнгөтэй явахад зүүгдсэн бүсгүйг өөрийн болгож бүү харамла. 

Бусдаас өөрийгөө онцгой гэж хэзээч битгий бод, ээж чинь чамайг эвэр, сүүлтэй төрүүлээгүй билээ. 

Онцгойрч сондгойрч тодормоор бол олигтой сур, их унш, сайн унт, зөв хоолло. 

Нас чинь дандаа залуу байхгүй, намайг дагаад намаржаад л ирнэ. 

Зүс чинь үргэлж толигор байхгүй, үс чинь цайгаад гундаад л ирнэ. 

Шаардлагатай гэвэл худлаа хэл, харин худалч болж амьдрах хэрэггүй. 

Зайлшгүй гэвэл зодолд сайхан, заавал дараа нь уучлал гуй. 

Хүний нүдийг эгцлэн харж, дотор нь ортол өрөмдөж сур, түүнийг таних шилдэг зам. 

Сэтгэл сайтыг бүү март, ачийг хариул.

Олон найзаар халаас дүүрдэг хорвоо, орхигдоод гээгдээд зугтаадаг нь амьдралын жам, тоотой нь үлдэнэ тэднээ гамна.

Олон охид энгэр чимнээ, өөрийг чинь гурав хувилах нь ганц л бий, түүнийгээ л хай. Олсон цагтаа бүхнээ зориул. 

Сурсан эрдэм чинь төгс бол өлсөх зовлонг үзэхгүй, сураагүй зүйлдээ харамсалгүй гуйвж дайвалгүй цэх бай. 

Нүгэл нэгийг үйлдвэл хоёр буянаар хариулж бай. 

Эрх мэдэлд бүү шуна, эд хөрөнгө бүү хураа. 

Эрүүлийг хүс, ээжийгээ үргэлж тойр. 

Аавынхаа чадаагүйг хийчихвэл бахарх, асаасан голомтоо бат сахь. 

Нэг л өдөр би өнхөрнө, нээх гашуудах шаардлага үгүй. 

Эвийг дандаа хичээ, эх орноо үргэлж хайрла.

Стивен Жобсын захиас

Дөнгөж 56 насандаа нойр булчирхайн хавдраас болж амиа алдсан APPLE- ийн босс Стив Жобс нас барахынхаа өмнө өвчтөний оронд хэвтэж байхдаа сүүлчийн үгээ болгон дараах зүйлсийг та бидэнд захиас болгожээ.

Би бизнесийн ертөнцийн оргил дээр гарч чадсан. Бусдын нүдэнд миний ажил, амьдрал амжилтын пуужин шиг л харагддаг. Бизнесийг маань эс тооцвол хувийн амьдрал маань жаргалтай байгаагүй. Энэ бүхний эцэст эд баялаг, мөнгө хөрөнгөд би “донтож”, эдгээрийг амьдралын зорилго болгон хальтирсан байжээ гэдгээ ойлголоо.

Яг одоо би хүнд өвчний улмаас эмнэлгийн орон дээр өнгөрсөн амьдралаа цэгнэн хэвтэж байна. Гарцаагүй үхлийн өмнө миний амжилт, эд хөрөнгө, бизнесийн бахархал ямар ч үнэ цэнэгүй, утга учиргүй гэдгийг мэдлээ.

Магадгүй чи мөнгөтэй бол хэн нэгнийг хөлслөөд жолоочоо хийлгэн дуртай зүгтээ аялж чадах бол ямар ч их мөнгөтэй байсан өвчнөө хэн нэг хүнд дамжуулан өвдөлт, үхлээс зугтаах боломжгүй.

Материалаг эд хөрөнгөө та алдсан бол дараа нь олох, бүр шинээр бүтээх боломжтой. Гэвч хэзээ ч буцааж авч чаддаггүй зүйл бол хүний эрүүл мэнд-амьдрал юм.

Мэс заслын хагалгааны өрөөд ороод ямар ч хүн амьдралдаа нэг номыг заавал уншсан байх ёстойгоо ойлгодог юм байна. Тэр бол “Эрүүл амьдрахуй”-н тухай ном. Хөгшин, залуу, эрүүл, өвчтэй ямар ч бай танд нэг л өдөр ийм үе ирнэ...

*Гэр бүл, найз нөхдийнхөө хайрыг үнэт эрдэнэс мэт нандигнаж яваарай. Мөн өөрийгөө хүндэлж, хайрлахын сацуу бусдад урам өгч, дэмжиж амьдраарай...

*Нас нэмэх тусам бид хорвоог арай өөр нүдээр харж эхлэдэг. Яваандаа чи,

300 долларын цагаар гангарсан ч, 30 долларын цаг зүүсэн ч тэд нэг л цаг хугацааг заадаг гэдгийг ойлгоно.

300 долларын хэтэвчээр гангарсан ч, 30 долларын түрийвч авсан ч доторх мөнгө тань өөрчлөгддөггүй гэдгийг мэддэг болно.

150 мянган долларын машин авсан ч, 30 мянган долларын машин унасан ч нэг л зүг рүү нэг л замаар явдаг гэдгээ ухаарах болно.

300 долларын дарс ханатлаа хүртсэн ч, 30 долларын дарс залгилсантай адилхан шартдаг гэдгийг мэддэг болно.

300 метр квадрат харшид амьдарсан ч, 30 метр квадрат байранд орсон ч өөрөө л хичээхгүй бол ганцаардал гэдгээс салж чадахгүй гэдгээ ойлгох болно.

Аз жаргал материаллаг баялгаас ирдэггүй гэдгийг мэддэг болно. Бизнес ба энгийн ангиллаар нисэж байсан ч онгоц сүйрэх үед ямар ч “ялгаа” байдаггүй.

Тиймээс танд үзэл бодлоо хуваалцдаг жинхэнэ найзууд, инээж хөхрөлцдөг хуучны танилууд, дуулалдан хөгжилддөг ах, эгч байгаа бол та энэ дэлхийн хамгийн аз жаргалтай хүн.

Тойрч гарч боломгүй амьдралын таван шугам :

1. Хүүхдээ баян хүн бол гэж бүү сургаж хүмүүжүүл. Тэднийгээ аз жаргалтай болгохын тул соён гэгээрүүл. Ингэж чадвал тэд ирээдүйд материаллаг зүйлсийн үнэ өртгийг биш амьдралын үнэ цэнийг мэддэг нэгэн болно. 

2. Нэгэн алдартай эшлэл байдаг. "Хоолоо эм мэт ид. Эс бөгөөс эмийг хоол мэт хэрэглэдэг болно."

3. Хэн нэгний хайрыг татаж хайрлагдаж чадсан л бол та хэзээ ч ганцаардахгүй. Таныг хаях 100 шалтаг байсан ч хаяхгүй байх ганц шалтгаан байхад хангалттай байдаг.

4. Хүн байх ба хүн шиг байхын хооронд асар том ялгаа байдаг. Маш цөөн хүн үүнийг ойлгож мэдэрдэг.

5. Төрөхөөс авахуулаад нас барах хүртэл таныг хайрлах хүмүүс байдаг. Гэхдээ энэ бүхэн таниас шууд хамаардаг гэдгийг бүү мартаарай...

*Хурдан явъя гэвэл ганцаараа, хол явъя гэвэл олуулаа яв гэдэг зүйр цэцэн үг байдаг.

Дэлхийн хамгийн шилдэг зургаан эмч бол:

1. Нарны гэрэл

2. Амралт

3. Дасгал хөдөлгөөн 

4. Эрүүл хооллолт

5. Өөртөө итгэх итгэл, өмнөө тавьсан зорилго

6. Найзууд

Бүхий л амьдралынхаа турш эдгээрийг санаж, өөрийн ухаанаар эрүүл бас жаргалтай амьдралаа цогцлоогоорой. Бурхан таныг өршөөх болтугай.

Ардын сайхан сургааль

Аавын бийд сахал тавьдаггүй
Агтны дэлэнд хутга хүргэдэггүй
Алсын замд цаг товлодоггүй
Амрагийн явдалд хөндлөнгөөс ордоггүй

Буурал өвөгдийн дээр суудаггүй
Бусдын хэргийг ганцаар шүүдэггүй
Буцах шувуудын цувааг тоолдоггүй
Бурханы дэргэд хараал хэлдэггүй

Ихэдсэн зовлонд орондоо уйлдаггүй
Илүүдсэн жаргалд орондоо дуулдаггүй
Идсэн хоолоо дутуу орхидоггүй
Иртэй талаар хутга дамжуулдаггүй

Маанийн ажилд малгай тавьдаггүй
Малын бэлчээрт бой хийдэггүй
Махны хольцонд сүү ордоггүй
Мандах наранд ус өргөдөггүй

Нагацын дэргэд дал барьдаггүй
Настны дэргэд сархад хүртдэггүй
Найрын хойморт энгэр задгайлдаггүй
Наадмын даваанд тооцоо ярьдаггүй

Цайны шаарыг галд хийдэггүй
Цагаан идээнд цус хольдоггүй
Цацлын идээг доош өргөдөггүй
Цаг голлоход замд гардаггүй

Ардын сайхан сургааль минь
Аялгуу төгс хөгжим юм
Ашдын сайхан ерөөл нь
Амандаа унших тарни юм

Японы зэн философийн 7 гол зарчим

 1. Oubaitori
Өөрийгөө бусадтай харьцуулах хэрэггүй. Хүн бүр өөр өөрийн зам мөрөөр явж, цаг нь болохоор цэцэглэдэг.

2. Kaizen
Тасралтгүй өсч дэвш. Жижиг алхамаар том өөрчлөлтөд хүрдэг.

3. Wabi-Sabi
Төгс бус байдлаа хүлээн зөвшөөр. Юу ч үүрд биш бас бүрэн байх албагүй, өөрийн болон бусдын өө сэвийг хүлээн зөвшөөрч төгс бус байдлаас төгс төгөлдөрийг олж харж сур.

4. Gaman
Хүнд нөхцөл байдалд орсон ч ёс суртахуун, итгэл үнэмшлээ бүү худалд. Аливаад сэтгэлийн хөдөлгөөнөөр бүү ханд, ямар ч нөхцөл байдалд тэсвэр хатуужил, шаргуу зүтгэлээ бүү гээ.

5. Ikigai
Амьдрах учир шалтгаанаа мэдэж ав. Өглөө босох урам зоригоо юунаас авч байгаагаа, юунд тэмүүлж байгаагаа үргэлж тодорхойлон харж бай.

6. Shikata ga nai
Хүлээн авч бас явуулж сур, Бүх зүйлийг хяналтандаа байлгах гэж бүү хүчил. Өөрчилж чадахгүй зүйлсийг тавьж явуул.

7. Shu Ha Ri
Шавь бэлэн болох үед багш бэлэн болдог, шавь бэлтгэгдсэн үед багш алга болдог. 

Мэдлэгийг олж авах 3 үе шат байдаг.

• Shu  - Энгийнээс эхлэн суралцах, даган дууриах маягаар багшаас суралцах
• Ha - Сурснаа дадал болгох, хэрэгжүүлж эхлэх
• Ri - Өөрийн арга барилд оруулан сурснаа шинэчлэх, нөхцөл байдалд тохируулан хөрвөх чадварыг олж авах

БИЗНЕСИЙН 6 ХАТУУ СУРГАМЖ

Сургамж 1
Эхнэрийгээ угаал хийж дуусмагц нөхөр шүршүүрт орж ирнэ. Хаалганы хонх жингэнэв. Эхнэр алчуураар биеэ хальт ороогоод онгойлгохоор гүйнэ. Үүдэнд - тэдний хөрш Боб. Түүнийг харангуутаа Боб: "Таныг хэрвээ алчуураа тайлчих юм бол би Танд 800$ өгье" гэв. Эхнэр 2-3 хором бодолхийлснээ түүний хэлснээр хийж, Бобын өмнө чармай нүцгэн зогсоно. Боб түүнд 800$ өгчихөөд явж одов. Эхнэр алчуураар биеэ буцааж ороогоод ариун цэврийн өрөө рүү явна.   "Хэн байна?" - нөхөр асууна. "Боб" - эхнэр хариулна. "Аан тийм үү, тэр надад өгөх 800$-ын өрнийхөө талаар юу ч ярьсангүй юу?!" гэж нөхөр асуув.
Түүхэн сургамж: бусдад өгсөн зээлийнхээ талаар хувьцаа эзэмшигчидтэйгээ ярилцаж бай, эс бөгөөс Та эвгүй байдалд орж болзошгүй.

Сургамж 2
Ламтан гэлэнмаад "хүргэж өгье" хэмээн найр тавина. Гэлэнмаа машинд орж, нэг хөлөө нөгөө дээрээ ачин суухад  нүцгэн гуя нь ил гарна. Ламтан авто ослоос авхаалж самбаа, туршлагынхаа ачаар ам мөлтөс мултран гарна. Машинаа тэгшлэнгээ ламтан гараа түүний хөл дээр сэмхэн тавина. Гэлэнмаа өгүүлрүүн: "Гэгээн эцэг Та, Бүлэг 129-ийг санаж байна уу?".Ламтан гараа татаж авна. Гэвч, араагаа солихдоо гараа дахин хөл дээр нь тавина.   Гэлэнмаа дахин: "Гэгээн эцэг Та, Бүлэг 129-ийг санахгүй байна уу?". "Өршөөгөөрэй, эгч минь. Гэвч... бие махбодь гэдэг маань сул дорой зүйл шүү дээ" - ламтан уучлал гуйна. Сүмд хүрч ирэхэд гэлэнмаа хүндээр санаа алдаад бууж орно. Хийддээ буцаж ирээд ламтан Бүлэг129-ийг олж уншина. Түүнд өгүүлрүүн: "Цааш лавшруулан хай, дээшлэх аваас та аз жаргалаа олмуй" хэмээжээ.
Түүхэн сургамж: хэрвээ Та өөрийн ажлаа муу мэдэх аваас амжилтанд хүрэх олон олон боломж шууд хамрын тань өмнүүр өнгөрөн одох болно.

Сургамж 2
Худалдааны ажилтан, нарийн бичиг, менежер гурав үдийн цайнд хамт гарч яваад эртний дэнлүү олжээ. Тэд дэнлүүг зүлгэхэд дотроос нь Бэрд гарч ирэв. Тэр өгүүлрүүн: "Би та гурвын нэг нэг л хүслийг биелүүлье".  "Би эхлээд..., би эхлээд!", - нарийн бичиг бүсгүй хашхирав. "Би яг одоо Бахамийн арлууд дээр, дарвуулт онгоцон дотор, юуны ч тухай бодохгүй...". Пшш! Тэр алга болов.  "Одоо би, одоо би!" - худалдааны ажилтан: "Би яг одоо Хавайн арал дээр, наран шарлагын газарт амарч, идлэг массаж, хайрын  далайд умбахыг хүсч байна". Пшш! Тэр бас алга болов. "Одоо чиний ээлж" - Бэрд менежерт өгүүлэв. "Үдийн цайны дараа гэхэд тэр хоёр оффист буцаж ирсэн байхыг би хүсч байна".
Түүхэн сургамж: Боссын үгийг хэзээд эхэнд хэлүүлж бай.

Сургамж 4

Бүргэд модон дээр юу ч хийлгүй амарч суув. Жижигхэн туулай бүргэдийг хараад: "Би бас Тан шиг ингээд... юу ч хийхгүй сууж болох бодов уу?" гэж асуув.  "Мэдээж..., яагаад болохгүй гэж" - гэж тэр хариулав. Туулай модны доор амрахаар суулаа. Гэнэт үнэг гарч ирэн, түүнийг барьж аваад идчихэв. Түүхэн сургамж: юу ч хийхгүй суухын тулд Та эхлээд маш... ма-аш өндөрт гарах хэрэгтэй.

Сургамж 5
Цацагт хяруул бухтай ярилцаж байна. "Би модны орой дээр гарч суухыг үргэлж мөрөөддөг,  даанч миний хүч хүрдэггүй юм" - тэр санаа алдав.  "Чи миний баасыг идээд үзвэл яасан юм? Түүнд маш олон төрлийн тэжээллэг бодис, аминдэм байдаг" - бух хариулж байна. Цацагт хяруулхэсэг бөөрөнхий баас тоншиж идвэл, үнэхээр түүнд чадал нэмэгдэж, модны хамгийн доод мөчир дээр гарах хүчийг өгөв гэнэ. Дараачийн өдөр дахин идсэнээр хоёр дахь мөчирт хүрчээ. Ингэсээр, цацагт хяружл 4 дэх өдөр нь гэхэд модны оройд бахдал дүүрэн сууж байв. Тэнд түүнийг фермер олж хараад буудан унагаж, тогоогоо тосолжээ. Түүхэн сургамж: хэн нэгний бөгс долоосноор өндөрлөгт хүрч болох юм. Гэсэн хэдий ч Та тэнд удаан тэсэхгүй.

Сургамж 6
Бяцхан шувуу өвөлжихөөр өмнийг зорин нисэв. Гэвч маш хүйтэн байснаас осгож, өргөн талд унажээ. Түүнийг хэвтэж байтал түүгээр өнгөрч явсан үнээ дээр нь баачихаж гэнэ. Баасан дотор хэвтэж байсан шувуухай гэнэт дулааныг мэдэрчээ. Үнээний баас түүнд амьдралыг эгүүлэн авчрав. Бяцхан шувууны дотор гэнэт баяр хөөрөөр бялхаж, аз жаргалаа магтан дуулмаар санагджээ. Хажуугаар гүйж явсан муужгай түүний жиргээнийг сонсоод ухаж гаргаад идчихэж гэнэ. Түүхэн сургамж: 1) Таны дээрээс баасан бүхэн Таны дайсан биш. 2) Таныг баасан дотроос татаж гаргасан бүгд Таны нөхөр биш. 3) Танд хэрвээ аятай, дулаан байвал тэндээ дуугаралгүй амаа хамхиад л сууж байсан нь Танд өлзийтэй.

Харамсал

Хүмүүс нас барахын өмнө нь юунд хамгийн их харамсдаг талаар нэгэн сувилагчийн ярьсан түүхээс...

“Би олон жил энэ эмнэлэгт ажилласан. Эцсийн мөчөө хүлээж буй өвчтөнүүд л миний хариуцсан тасагт ирдэг. Тэдний амьдралын хамгийн сүүлийн мөчийн гэрч болохдоо бид олон ч сонирхолтой түүх сонссон доо. Тэд бүгдээрээ л хайр, үзэн ядалт, айдас, догдлол, уур хилэн гэх мэтийг мэдэрсэн байсан. Гэхдээ эцсийн мөч тулахад өвчтөнүүд бүгдийг мартаж, уучилдаг. Би өвчтөн бүртэйгээ ярилцахдаа нэг зүйлийг заавал асуудаг байлаа. “Та энэ амьдралдаа юунд хамгийн ихээр харамсаж байна вэ?”. Тэд өвчин зовлон, царай зүс, ааш зангаараа тэс өөр ч дээрх асуултын хариулт “ИЖИЛ” байсан юм.

1. Хэн нэгний хүсэлт, хүлээлтээр биш өөрийн хүссэнээр амьдарсан ч болоосой
Хүн бүрийн хамгийн түрүүнд хэлдэг хариулт нь энэ байлаа. Амьдрал нь дуусах тэр мөчид эргээд харахад “Тэр үед ганц удаа ч болов өөрийнхөөрөө шийдэх минь яав даа” гэсэн бодол өөрийн эрхгүй орж ирдэг. Учир нь бусдын хэлсэн анхааруулга сануулгаас шалтгаалан мөрөөдлөө биелүүлэх олон боломжийг алддаг аж. Эцэг эх, эхнэр нөхөр, үр хүүхдийнхээ хүлээлтэд эзэн болохын тулд өөрийнхөө хүслээр байж чадаагүй нь хамгийн харамсмаар зүйл байжээ.

2. Юуны төлөө ингэтэл их ажиллав?
Энэ бол эрэгтэй өвчтнүүдийн хамгийн том харамсал. Тэд гэр бүлийнхээ ирээдүйн төлөө зүтгэсээр үр хүүхдүүдийнхээ өсөж буйг ч анзаараагүй өнгөрсөн. Мөн хайртай гэргийгээ ганц бие ээж шиг амьдруулсан байдаг ба эцэст нь багагүй амжилтанд хүрчихээд хүүхдүүдээ эргэн харах цагт тэд хэдийн холдон одсон байдаг аж. Хэтрүүлж ажилласандаа харамсаж, үхэх цагт өөр дээр нь хэзээ ч ирэхгүй гэж мэдэгдсэн үр хүүхдээ хүлээх өвчтөнүүд... Гэвч тэд энэ бүгдийг ирэхгүй гэдгээ мэдэгдсэн тэр хүмүүсийн төлөө л хийсэн шүү дээ.

3. Өөрийн бодол, мэдрэмжээ ил хэлэх зориг байсансан бол ч...
Олон хүмүүс бусадтай “энх тайван” харилцаатай байхын тулд шүдээ зуугаад өнгөрдөг. Түүнээсээ болоод бусдад бүү хэл өөртөө ч үнэнч байж чаддаггүй. Энэ байдал даамжирсаар “Би юу хүсч байна вэ?” биш “Би юу хийвэл ямар нэгэн асуудал үүсэхгүй байх вэ?”, “Юу гэж хэлвэл намайг ухаалаг юм аа гэж бодох бол?” гэсэн нөхцөл байдалд тааруулдаг болчихсон байдаг. Харин хөгшрөх тусам өөрийгөө бүрэн илэрхийлж, уурлаж бухимдах үедээ уурлаж, гомдох үедээ гомдож байх минь яав даа хэмээн харамсдаг байна. Сэтгэл хөдлөлөө чөлөөтэй илэрхийлснээр тухайн үед хэд хэдэн хүнийг бухимдуулж болно. Гэхдээ өөрийн зангаа нуугаагүй учраас тэр хүмүүст хэзээд үнэн төрхөөрөө байдаг гэдгээрээ үнэлэгддэг. Хүмүүс ч чамтай яаж харилцахаа мэддэг болно. Хамгийн гол нь чиний амьдралд худал харилцаа гэж үгүй болох юм.

4. Найзуудаасаа харьцаагаа таслах хэрэггүй байсан юм
Эмэгтэйчүүдийн хамгийн их сонгосон хариулт энэ байлаа. Үр хүүхэд, гэр бүл, ажил гэсээр найз нөхдөө орхиж, уулзахаа больж, нэг л мэдэхэд харилцаа нь холдсон байдаг. Харин хамаг бүхнээ зориулсан үр хүүхэд нь том болж, тусдаа гарахын цагт ганцаардлыг хамгийн ихээр мэдэрч, биеэ чагнасаар байгаад өвдөх үе бишгүй. Эцсийн мөчөө хүлээж буй хүмүүс нэгэн цагт үргэлж хамтдаа байсан найзтайгаа уулзах хүсэлтийг ихээр тавьдаг ч уулзаж амжихгүй өнгөрдөг байлаа.

5. Би өөрийгөө аз жаргалтай амьдрахыг зөвшөөрсөн ч болоосой
Ийм хариулт авна гэж би огт бодоогүй байлаа. Тэд өнгөрсөндөө зууралдаж, өнгөрсөндөө хүлэгдэж, өнгөрсөндөө харамссанаас болоод одоогийнхоороо амьдрах боломжоо алддаг байж. Хэн нэгнийг аз жаргалтай байлгахын тулд гэхээсээ илүү өөрийгөө аз жаргалтай байлгахын тулд юу ч хийхгүй байсаар, энэ насыг барах үедээ харамсах нь хичнээн харамсалтай вэ?

Хүн хэзээ өөрийнх нь эцсийн мөч ирэхийг мэдэж байх үедээ бусдын бодол, санааг жинхнээсээ хамаарахаа больдог. Үнэндээ маргааш ч биднийг үхэл хүлээж байгаа ч юм билүү, хэн ч мэдэхгүй шүү дээ. Муу амлах гээгүй юм шүү. Гэхдээ л хэзээ юу болохыг хэн ч мэдэхгүй байхад аль хэдийнэ болоод дуусчихсан өнгөрсөнд, хэзээ ирэх нь мэдэгдэхгүй ирээдүйн хайр дурлалд, амьдралд чинь тэгтлээ нөлөөлж чадахгүй, хамгийн амархан өөрчлөгддөг зүйлсийн нэг болох бусдын бодолд бүх сэтгэл, эрч хүч, энергээ зарцуулах нь яг юуны төлөө юм бэ? Харин түүний оронд маргааш ч бүх зүйл дуусчихаж мэдэх юм шиг зоригтой шийдвэр гаргаж, өөртөө үнэнч байж, энэ ертөнцийг орхихдоо сэтгэл хангалуун, харамсах зүйлгүй байсан нь хамаагүй жаргалтай биш гэж үү? Хэрвээ чи ч гэсэн өнгөрсөндөө харамсахыг хүсэхгүй байгаа бол одоогоороо л амьдар. Харамсал гэдэг зүйлийг амьдралдаа байлгахгүйн тулд зүгээр л хий, яг одоо яамаар байна түүнийгээ л хий. Ихэвчлэн өнгөрсөнд болсон тэр зүйлдээ харамсаад л байдгаас биш чамд юу авчирсныг нь бодож ч үзээгүй байдаг. Тэр үйл явдал болсон учраас л чи илүү хүчтэй, илүү ухаалаг, илүү туршлагатай “өнөөдрийн чи” бий болсон шүү дээ. Тийм болохоор чамд тусласан, “харамсмаар” өнгөрсөнд ч талархаад байх ёстой газарт нь үлдээ.

Хэрхэн 5 жилийн дотор байр машинтай болох вэ?

Хонг Конгийн тэрбумтан Li Kа-Shing хэрхэн 5 жилийн дотор байр машинтай болох талаар зөвлөж байна.

Хонг Конгийн тэрбумбан Li Kа-Shing-ийн энэхүү мөнгөний талаарх арга ухаан нь хүнд 5 жилийн дотор амьдралаа сайжруулах тал дээр бодит дэмжлэг өгч чадахуйц түүний амьдрал дээр үндэслэгдсэн бяцхан онол юм.

Ойлгомжтой тайлбарлахын тулд эхлээд таны сарын орлого ердөө 2,000 юань гэж төсөөлөөд энэ нь таны амьжиргаанд хангалттай гэж үзье. Би танд 5 төрлийн мөнгөний хуримтлал үүсгэхэд тусалья: 1-рт 600 юань, 2-рт 400 юань, 3 –т 300 юань, 4-т 200 юань, 5-д 500 юань.

Эхний хуримтлалыг амьжиргааны зардлаас гаргаж авах боломжтой. Энэ нь энгийн арга бөгөөд та өдөрт дээд тал нь 20 юань зарцуулна. Өглөөний цайндаа ганц өндөг, аяга сүү, өдрийн хоолонд энгийн хоол, оройн хоолонд ногоо махнаас бүрдсэн хоолоо өөрөө хийж идээд унтахын өмнө 1 аяга сүү уух гэх мэтээр өдөр бүрийн хоолны зардалдаа анхаарал хандуулаад үзээрэй. Тэгэхэд 1 сарын хоолны мөнгө 500-600 юань болно. Чи залуу хүн бол энэ байдлаар хооллоод явахад эрүүл мэндэд ямар ч асуудал үүсэхгүй.

2-р хуримтлал : Өөрийн орон зайг бий болгон найзуудтай болох. Энэ нь чамайг сэтгэл хангалуун болгоно. Та утасны тооцоогоо сард 100 юаньд багтаа. Сардаа найзууддаа 2 удаа өдрийн хоолоор дайл, нэг удаадаа 150 юань-аас хэтрэх хэрэггүй. Гэхдээ хэнийг өдрийн хоолоор дайлахаа сайн бод. Чиний өдрийн хоолоор дайлах хүн чинь чамаас ухаантай, эсвэл чамаас баян, мөн чиний карьер өсөлтөнд тусалж чадах хүн байх ёстойг битгий мартаарай. Үүнийгээ сар бүр хий. 1 жилийн дараа гэхэд чиний найзуудын чинь тойрог чамд бодит үнэ цэнийг авчирсан байх ётой. Чиний нэр хүнд, нөлөө, үнэ цэнэ тэр үед бусдад танигдаж эхлэх болно. Чи өөрөө өөрийнхөө давуу тал, сайн чанарыг хөгжүүлэх ёстой.

3-р хуримтлал: Суралц. Сард ойролцоогоор 50-100 юань–аар ном худалдаж ав. Яагаад гэвэл чамд хангалттай мөнгө байхгүй учраас өөрийн мэдлэг хөгжилд анхаарал тавь. Номоо анхааралтай уншиж , номонд зааж буй стратеги болон хичээлүүдийг сайн эзэмш. Ном болгоноо уншсаны дараа өөрийн үгээр тайлбарлаж ярьж чадах хэмжээнд очтолоо номонд заасныг өөрийн болгоод бусдадаа хуваалцаж ярьж өгөх нь өөрийгөө илүү итгэлтэй болгож бусадтай илүү ойр дотно харьцааг үүсгэнэ. Үүнээс гадна сар бүр 200 юанийг сургалтанд хамрагдахад зориулж хадгалж бай. Та илүү их орлого олсон тохиолдолд эсвэл илүү хуримтлалтай байсан цагт ахисан түвшний мэдлэг олж авахад туслана. Энэ нь ганцхан мэдлэг олоход зориулагдахаас гадна чи өөртэйгээ адил өсөн дэвшиж буй сурч боловсрохыг хүссэн хүмүүстэй танилцах болно. Тийм найз нөхдийг олоход тийм ч амар биш.

4-р хуримтлал: Аялал зохион байгуул. Жилд хамгийн багадаа 1 удаа аялаж бай. Амьдралын туршлагаас суралц. Хямд үнэтэй газар байрлаж зардлаа хэмнэ. Тун удахгүй чи олон орноор аялаж тэр бүхнээсээ өөр өөр туршлага олж авна. Олж авсан туршлага бүхэн чамайг цэнэглэж чи ажлаа хүсэл тэмүүлэлтэй хийнэ.

5-р хуримтлал. Хөрөнгө оруул. Эхлэлтийн хөрөнгийн эх үүсвэр болгож банкиндаа 500 юань хадгал. Энэхүү хөрөнгөө өөрийн жижиг бизнесээ хийхэд ашигла. Жижиг дунд бизнес найдвартай ба бөөний худалдаачидтай уулзаж зарж болох зүйл хай. Мөнгөө алдсан ч байсан чи их мөнгө алдахгүй. Хэрвээ чи ашиг олж чадвал өөртөө итгэх итгэл чинь нэмэгдэхийн зэрэгцээ чи багахан хэмжээний бизнес хийх туршлагатай болно. Ашгаа нэмэгдүүлснээр чамд урт хугацааны хөрөнгө оруулалт хийх боломжууд олдох болно. Урт хугацааны хөрөнгө оруулалт нь чиний ирээдүйн амьдралын баталгаа болж чадна.

Хэрвээ жил хичээсний дараа олж буй орлого чинь 2000 юань байх юм бол чи өөрчлөлт гаргаж чадаагүй байна гэсэн үг бөгөөд чи өөрөөсөө ичих хэрэгтэй. Дэлгүүр явж хамгийн хатуу дүпү аваад толгойн дундуураа цохь. Энэ бол чиний хүртэх ёстой ганц зүйл.

Хэрвээ сарын цалин чинь 3000 юань болсон бол чи шаргуу ажилласан хэвээрээ л байгаа юм байна. Хагас цагийн ажил олох хэрэгтэй. Хагас цагийн худалдааны ажил болно. Худалдааны ажил нь чиний ур чадварыг сорьсон хүнд ажил учраас чи зарах урлагийг суралцаж тэр нь цаашдаа чиний ирээдүйн ажил мэргэжилд маш ихээр тус болох болно. Амжилттай бизнес эрхлэгчид бол бүгд зарах урлагийг сайтар эзэмшсэн мэргэжлийн хүмүүс байдаг. Өөрөөр хэлбэл өөрийн хүсэл мөрөөдлөө зарж бодит болгох чадвартай бай. Ирээдүйн карьерт чинь нөлөөлөх олон хүмүүстэй чи уулзаж танилцана. Чи худалдаа хийснээрээ юуг яаж зарж болохыг эсвэл зарж болохгүй вэ гэдгийг ойлгодог болно. Зах зээлийн хандлагыг судалж ирээдүйн шилдэг бүтээгдэхүүнийг тодорхойлох хэрэгтэй.

Шаардлагагүй зүйлд мөнгө битгий үр, жишээ нь гутал хувцас бага ав. Чи баян болсон хойноо хүссэн бүгдээ авч чадна. Харин хайртай нэгэндээ бэлэг авах мөнгө цуглуулж байгаад бэлэг авч өгөөрэй. Түүндээ өөрийн ирээдүйн төлөвлөгөө, санхүүгийн зорилтоо ярьж хуваалцаж яагаад одоо өөрийгөө ийм мөнгөө хэмнэж нарийлж амьдарч байгаагаа тайлбарла. Мөн өөрийнхөө мөрөөдлийнхөө төлөө няцаж цуцашгүй зүтгэж заавал амжилтанд хүрнэ гэдгээ хэлээрэй, энэ нь чамд өөрт чинь асар их хүч, итгэл өгнө.

Тусламж хэрэггүй бизнес гэж байдаггүй. Боломж олдож л байвал хагас цагаар ч гэсэн ажилла. Ингэснээр чиний зан чанар үнэлэгдэхээс гадна чадвар чинь нэмэгдсээр л байна. Энэ туршлага чамайг хөгжүүлж чи санхүүгийн зорилгодоо хүрэхэд ойртуулах болно. 2 жилийн дараа гэхэд чиний сарын орлого 5,000 юань болно. Инфляци мөнгөний ханш гэх мэтийг тооцвол хамгийн багадаа л 3,000 юань болсон байх болно. Хэмжээнээс үл хамааран орлогоо 5 хэсэгт хуваахаа бүү март. Үргэлж чадлаараа хичээж, хүмүүстэй харилцах хүрээгээ нэмэгдүүл. Орлого чинь тэр л хэмжээг нэмэгдсээр байна. Суралцахад, итгэлтэй байдлаа хөгжүүлэхэд хөрөнгө оруулалт хий. Аялж амрахад зориулсан хөрөнгө оруулалтаа нэмэгдүүл. Хүрээгээ тэлж, ирээдүйд оруулах хөрөнгө оруулалтаа нэмэгдүүл. Энэ бүхэн орлогыг чинь нэмэгдүүлсээр л байх болно. Энэхүү тэнцвэрийг сахиж л чадвал удалгүй нэмэлт орлоготой болно. Амьдралаа төлөвлөж ашиг хүртэхийн зэрэгцээ чи өөрөө ч гэсэн сайхан харагдаж, өөртөө итгэлтэй болж эхэлнэ. Найз нөхөд ч нэмэгдэж үнэ цэнэтэй олон харилцаанууд бий болно. Чанартай сургалтанд оролцож, том төслүүдтэй ажиллаж сайхан боломжууд чамд гарна. Өөрийн байр, машин, хүүхдүүддээ зориулах хангалттай боловсролын хуримтлал үүсэх зэргээр мөрөөдөлдөө бага багаар чи хүрнэ.

Амьдралыг бүтээж, албан тушаалын өсөлтийг төлөвлөж, аз жаргалыг бэлтгэж болно. Чи одоо л төлөвлөж эхэл. Ядуу байх үедээ гэртээ бага цагийг, гадаа их цагийг өнгөрөө. Харин баян үедээ гэртээ их цаг, гадаа бага цагийг өнгөрөө. Энэ бол амьдралын урлаг. Ядуу үедээ хүмүүст мөнгөө зориулж харин баян болохоороо мөнгөө өөртөө л зориул. Олон хүмүүс үүнийг эсрэгээр нь хийдэг.

Ядуу байх үедээ хүмүүст эелдэг ханд, тооцоотой байсны хэрэггүй. Баян үедээ бусад хүмүүс чамд өөрөөр хандаж байгааг мэдэрч үүнээс бас олон зүйл ойлгоно. Өөрөө өөрийгөө хайрлаж сур. Ядуу байх үедээ хүмүүст хамгийн сайнаараа тусалж ашиглуул. Баян болсон үедээ харин хүмүүст битгий ашиглуул. Олон хүмүүс амьдралын энэ зарчмыг ойлгодоггүй.

Ядуу байхдаа байгаа мөнгөө бусдадаа зарцуул, хүмүүс ч үүнийг харах болно. Баян болсон үедээ битгий үрэлгэн бай, чимээгүй өөртөө л зарцуул. Ядуу ч гэсэн өгөөмөр байж, баян ч гэсэн үрэлгэн харагдаж болохгүй. Энгийн амьдар. Чиний амьдрал энэ л үед амар амгалан болно.

Залуу хүн ядуу байна гэдэг түүний буруу биш. Ядуу байна гэж айсны хэрэггүй. Зөвхөн өөрийгөө л хөгжүүлж, эрдэм мэдлэгт суралцаж юунд хөрөнгө оруулахаа мэдэх нь чухал. Мөн юунаас зайлсхийж, юунд мөнгөө үрэхгүй байх ёстой гэдгээ мэдэх нь их чухал. Энэ бол хамгийн чухал зарчим. Хувцасанд их мөнгө үрж байхаар чанартай гэсэн цөөн зүйлд мөнгөө зарцуул. Гадуур бага хооллох гэж хичээ. Гадуур хооллох үедээ тооцоогоо өөрөө төл. Гол нь өөрөөсөө том мөрөөдөлтэй, чамаас шаргуу ажилдаг хүнд хоол авч өгч бай.

Чиний амьжиргаа асуудалгүй болох үед үлдсэн мөнгөө мөрөөдөлдөө хүрэхэд зориул. Далавчаа дэлгээд мөрөөдөлдөө хүр. Гайхалтай амьдралаар заавал амьдрана гэдгээ санаарай.

Харвардын алдартай нэгэн онол байдаг. Энэ нь хүн 20-22 цагийн хооронд энэ 2 цагийг яаж өнгөрүүлснээс хүний амьдралын хувь заяа шийдэгддэг гэж үздэг байна. Энэ 2 цагийг суралцахад, бодоход, бас ач холбогдолтой лекц болон зөвлөгөө сонсож өнгөрөө. Хэдхэн цаг шаргуу байж чадвал амжилт чиний хаалгыг тогших болно.

Өнгөрсний талаар санаа зовох хэрэггүй. Алдаагаа бодож битгий шантар. Асгасан сүүний араас уйлах ямар ч хэрэггүй. Хүн болгон л алдаа гаргадаг. Алдаанаасаа суралцаж өөртөө ахиж алдаагаа давтахгүй гэдгээ амлах нь л чухал. Боломжийг алдсан бол санаа зовох хэрэггүй, өөр шинэ боломж үргэлж байх болно.

Буруу ойлголцсон үедээ инээмсэглэж сур. Чи өргөн мэдлэгтэй гэдгээ харуулж байгаа юм. Ямар ч арга байхгүй санагдсан үед инээмсэглэх нь сэтгэлийг чинь тайвшруулна. Гуниглах үедээ чангаар инээх нь чиний өршөөнгүй зан чанарын илрэл. Хүмүүс чамд тоомжиргүй хандах үед инээмсэглэ. Чи өөртөө итгэлтэй байгаагаа харуулна. Үнэнч бус харьцаанд ч инээмсэглэн хандсанаар чи өөрийгөө намуун зөөлөн гэдгээ харуулна.

Li Ka Shing-ийн энэхүү хичээл сайхан амьдрал бүтээхийг хүсч, хичээсээр ирсэн олон хүмүүст зориулагджээ.